كل تلك الخربشات الصغيرة التي كانت تؤذينا .. كبرت معنا

لتصبح هكذا .. مدونة !

الخميس، 24 ديسمبر، 2009

أشياء نِفسي فيها .. ودّي أسويها .. او يوم ألاقيها !


ودي أترجم فلم كامل أحبه من الإنجليزية للعربية ويطلع إسمي في النهاية
" تمت الترجمة في معامل سبمبوت للترجمة"
*
*
*
*
*
ودي أعير صوتي لأحد الشخصيات في مسلسلات الكارتون ..
كان دائما ودّي أصير صوت سالي او هايدي أو فلونه!
وأصرخ واقول " احترس يا كابامارو .. احترس من الوحش .. انه آتٍ من النافذة آآآآآآآآآآآآآآه !!
*
*
*
*
*
ودي أحضر The Opera Show في شيكاغو،
ويحطون علي الكاميرا وأنا مشدوهة وفاتحة حلجي طايح بحضني ..
وأصفق لمّا يشب ليت ( Clap ) المخفي عن الشاشة،
وأروح اسلم عليها وأقول لها آنا سبمبوت من الكويت.
*
*
*
*
*
ودي أصير ناقدة مطاعم Food Critic
وعامودي يخافون منّه كل المطاعم وأكتب واشرشح المأكولات والأطباق اللي ما تعجبني.
وأصحاب المطاعم يعزموني عشان اكتب عنهم، وينطرون "الرفيو" على أحر من الجمر!
بس المفارقة إني عسرررررررررررة بالأكل وما آكل " شيل فيش"!!
شلون بصير ناقدة .. ما ادري!!
*
*
*
*
*
*
ودّي ألاقي كعب مريح جدا وعالي جدا يخليني طول زوجي !
*
*
*
*
*

ودّي يصير عندي برنامج حواري عميق في الإذاعة ..
أسولف فيه مع الناس .. مع نفسي!
*
*
*
*
*
ودّي أألف اغنية جميلة عن بنتي ..
فيها اسمها ..
وأغنيها وارقص عليها آنا معاها في سرية تامة ما يدري عنها ولا يسمعها ولا يفهمها أحد غيرنا.
(( طبعا قريبا ستتحول الجملة الى بناتي .. ان شاء الله ))
*
*
*
*
*
أمشي على الجمر ..
أجرب فورة الأدرنالين وقرصة الخوف وسرعة الرغبة في الخلاص من الحرارة تحت أقدامي،
يا ترى اقدر أتحمل الخوض في فكرة مجنونة مثل هذي؟
*
*
*
*
*
هذا آنا .. كل إللي ودّي فيه بلحظات جنون أحيانا لا تمت للواقع بصلة ؟؟
ماذا عنكم؟ شنو ودكم؟؟

هناك 9 تعليقات:

aL-NooR . يقول...

كل شي يصيــــــر
بس ..
عاد اذا بلشتي بوحدة منهم
عطينا خبر ..


صبحج الله بالخير

********************

الزين يقول...

تعالي اقول لج انا شنو ودي

ونشوف الودات ملوتنا فيهم تشابه لو لأ

:)

اترجم فيلم نو
اكتب فيلم يسسسسس

اسلف صوتي نو
اغني يسسسس
لووووول

احضر اوبرا شووو
يس يس يس
ونمشي انا معاج ونقول لها احنا الزين وسبمبوت من الكويت
لووووول

ودي اصير ناقدة مطاعم
ودييييييي
ومن زمان الفكره تحوس براسي
وشكلي بنفذها عن قريب
خلج متابعتني
:)

ودي الاقي كعب مريح مالج الا gimmy cho
وانا مو زود مع الكعب
:)

ودي يصير عندي برنامج حواري بالإذاعه نو
بس صار لي فترة اسوي لي ديوانية او صالون ادبي بالبيت
تجمع البنات من كل حدب وصوب
تهقين تصير؟؟؟


ودي اكتب اغنية حلوة حق بنتي بفرحها
:)
قولي يالله

ودي امشي على الجمر!!
همممم
جربت السلنج وكان الإدرينالين رش مو صج
وصرخت من قمة رااااسي
:)))

ودي اسافر لجزيرة لي انا بروحي
مثل الجزيرة اللي بلوست
اخييييه
وما اطلع من البحر
ولا اشبع من السي فود
:)

ودي اجرب اطب من طياره بالبراشوت

ودي اطلع بالشارع وانا راكبه بايسكل
(بسكلته)لوووول
من غير ما احد يطالعني او يستغرب او يستهجن

ودي انشر فضه وشاهين
وودي بعد النشر تتحول لمسلسل
انا اختار ممثلينه وانا يكون لي راي بالإخراج
:)

بس اللي الحين بالفعل ودي واتمنى 2010 تعطيني ان يكون لي عمود بمجلة اكتب فيه واقول اللي بخاطري

واخيرا وليس اخرا

ولهانه عليج وودي اشوفج
شقلتي؟

Super Sara يقول...

لوول عجييييب
أكثر شي عجبني الحلج الطايح و انتي في برنامج أوبرا ..

من قلللب راح يوصل لي حضني .. أكيييد
:q

:

مممم .. راح اتوكل على الله و اقول

- ودي اركب جت سكي :\
يت فرصة مرة بس البحر كان هاايج و بسرعة صار بلليل فا ما صارت :(

- ودي أدخل قلعة @@

- ودي يصير عندي برنامج مثل برنامج بروين حبيب \ نلتقي ^_^
برنامج حواري .. ثقافي ..

- ودي أدخل الجامعة .. و أدرس التخصص اللي احبه

- ودي يصير ألقى مشروع .. و يصير عندي فلوس وايد ;q

- ودي تييني افكار للكتابة ..
صارلي مدة في حااالة block !!

- ودي أروح الهند و المغرب و تونس

ناقدة مطاعم ممم .. عجبتني الفكرة
ودي أمر بهالتجربة .. مرة شفت فلم جوليا روبرتس كانت فيه ناقدة ، أعتقد أعتقد my best frnd's wedding
و صج حسيتها شغلة حلوة
من الوظايف اللي الواحد يقول بسببها ان عنده أحسن وظيييفة بالعااالم !

- ودي .. ودي .. أرقص على مسرح كبيــر ، و اتعلم فنون الرئص :$

:

لوول بس كفاية كده.. اشتطيت
شكراً سبمبوت :**

ARTFUL يقول...

سالفة المشي على الجمر انا جربتها بس كنت لاحق عربانة البرد وانا صغير بعز الظهر

والشمس حنانيه

مابيه يمشي وابي اصيده رحت ركضت وراه حافي

رديت وانا ابجي وآكل برد

D;


أما سالفة الناقد الأكل هذي امنيه عندي من اول ما رحت نيويورك والله ودي اصير ناقد مطاعم

ومرات ودي اصير شيف عالمي اكسر عين كل ناااقد

نفس الفار راتاتيولي

p;

ms.sms يقول...

سمبوت كل شي ممكن مادام احنا عايشين حلمي وحلمي وحطيه بالواقع شوية تخطيط وشوية نباهه حق الفرص وكل شيئ راح يصير ويتحقق ..

اما انا فودي اسافر بروحي شهر دوله ما اعرف فيها احد ولا اعرف فيها شيئ
بس تكون حلللوووه

وباجي احلامي قاعده تصير شوي شوي

دمتي بحلم جميل

غير معرف يقول...

نفسي
نفسي
أكون الأفتارAvatar
ألهوا و الما و الأرض و النار
و القدرات الخارقة
خلاص كذا كفاية
م ح م د
تحياتو للجميع ‎

غير معرف يقول...

نفسي
نفسي
أكون الأفتارAvatar
ألهوا و الما و الأرض و النار
و القدرات الخارقة
خلاص كذا كفاية
م ح م د
تحياتو للجميع ‎

سبمبوت يقول...

النور

صباح النور والبنور .. أكيد راح تسمعون الأخبار :)



الزين

كتابة فيلم .. واااااااااااااااااو
والله انج قدها وقدود.

تغنين .. ما سمعت صوتج بالغنا لذلك .. لا تعليق.

من أمه نروح لها أنا معاج .. ولما نقرب منها يغمى علينا وما نلحق نقول لها شي.

ترى سهلة .. وكلّة بالمدونة .. لازم نسويها :)


فيه كعوبة اعلى من جيمي شو .. بس الرك على الراحة والjوازن.


ومو عازمتني ولا مرة ؟؟ أفا يا ذا العلم!!


وااااااااااي طاري عرس بنتي يضيق خلقي ما ادري ليش .. احس لما الحين ما شبعت منها ومن اخبالها وهي طفلة!


بانجي جمبنغ كان مو طبيعي بعد



I think i am a city girl .. cant live away from malls and restaurants


سكاي دايفنج .. يالله من امه .. اخذيني وياج


القاري كانت وحدة من امنياتي .. بس لما شفت انها امر عادي وطبيعي والمفروض ان ما نهتم شلون الناس قاعد يطالعونا .. طاب خاطري


زيون .. لازم احاورج في موضوع فضة وشاهين .. ترى سهالة .. بس عرفي من توصلين له.


همممممم Put your self out there, knock some doors and dont be shy in marketing your talent and promoting your self .. its totally doable .. I can provide you with names and phone numbers.


وأخيرا .. تلفوني عندج .. واسمي تعرفينه .. وتدرين طول الاسبوع عزابية .. دقي وقوليلي يالله.

راح ارسل لج مسج لما اولد .. تعالي المستشفى تطنزي على شكلي وانا متفخة .. و إياني واياج تكلفين على نفسج بشي.



Super Sara

جت سكي .. بسيطة .. موجود ومتوفر


مالج إلا قلعة موسى في لبنان


يالله .. روحي وجربي ترى الراي ما تعيي


حلم الجامعة جميل .. لا توقفين


زتج حبيبتي .. ترى افكار المشاريع بثانية تصير حقيقة شخص آخر اكثر سرعة في تحقيق الحلم.



كتابة!! هممممم !! لا تفكرين بالبلوك ولا تحاتين الإفتقار .. Just let it go
اقري وايد .. راح يزورج الإلهام لا محاله.


الهند واحدة من وجهاتي المستقبلية ان شاء الله .. يالله نروح مع بعض.


شفينا كلنا نبي نصير نقاد مأكولات :)


الله الرقص شيء جميل وتعبير رائع عن كل شيء في الوجدان.


You are most welcom Sara



آرتفل

والله ضحكتني .. بس تستاهل ليش طالع حافي؟؟

شيف كبير .. يالله بس بعثة لأجدعها كوليناري سكول في فرنسا وإلا امريكا ودربك خضر.



مس اس ام اس

أحلى شيء لما نفتح عيوننا على حلم في طور التنفيذ. الله يوفقج حبيبتي.


محمد
I have to see this movie .. have to

غير معرف يقول...

سبمبوت :
I want you to see ...Avatar aang cartoon ... befor the movie .

م ح م د

إللي غنّو معاي السبت سبمبوت ..

منورين سبمبوت